തിരുവനന്തപുരം: മുസ്‌ലിം ലീഗിനെ വിമര്‍ശിക്കുന്ന കാര്യത്തില്‍ യോഗി ആദിത്യനാഥിനും വൃന്ദാ കാരാട്ടിനും ഒരേ ഭാഷയെന്ന് പ്രതിപക്ഷ നേതാവ് രമേശ് ചെന്നിത്തല.
യു.ഡി.എഫ് തെരഞ്ഞെടുപ്പ് പ്രചാരണ ഗാനങ്ങളുടെ സി.ഡി പ്രകാശനം നിര്‍വഹിച്ച് സംസാരിക്കുകയായിരുന്നു അദ്ദേഹം. ലീഗ് മതേതര പാര്‍ട്ടിയല്ലെന്ന പ്രസ്താവന പിന്‍വലിച്ച് വൃന്ദാ കാരാട്ട് മാപ്പുപറയണം. മതേതര ജനാധിപത്യ പാര്‍ട്ടിയായ ലീഗിന് വൃന്ദാ കാരാട്ടിന്റെയും യോഗി ആദിത്യ നാഥിന്റെയും സര്‍ട്ടിഫിക്കറ്റ് വേണ്ട. അര നൂറ്റാണ്ടായി പാര്‍ലമെന്റില്‍ പ്രവര്‍ത്തിക്കുന്ന പാര്‍ട്ടിയാണ് ലീഗെന്നും ചെന്നിത്തല കൂട്ടിച്ചേര്‍ത്തു. വി.എസ് ശിവകുമാര്‍ അധ്യക്ഷത വഹിച്ചു.