കൊടുങ്ങല്ലൂര്‍: ഓട്ടോറിക്ഷ ഡ്രൈവറായ സി.ഐ.ടി.യു തൊഴിലാളിയെ അക്രമിച്ച കേസില്‍ ബി.ജെ.പി. പ്രവര്‍ത്തകനെ പൊലിസ് അറസ്റ്റ് ചെയ്തു.
പറപ്പുള്ളിബസാര്‍ എരുമതുരുത്തി വിപിന്‍ദാസ് (28) നെയാണ് പൊലിസ് അറസ്റ്റ് ചെയ്തത്.
മുഗള്‍ മാളിന് എതിര്‍വശത്തെ ഓട്ടോറിക്ഷ സ്റ്റാന്‍ഡിലെ ഡ്രൈവറായ ഉഴുവത്തുകടവ് കൈപ്പോത്ത് അജയഘോഷ് (51) നെയാണ് ഇയാള്‍ വടിവാള്‍ ഉപയോഗിച്ച് അക്രമിക്കാന്‍ ശ്രമിച്ചതെന്നാണ് പരാതി.
ഓട്ടോറിക്ഷ സ്റ്റാന്‍ഡില്‍ കാര്‍ പാര്‍ക്ക് ചെയ്തതുമായി ബന്ധപ്പെട്ടുണ്ടായ തര്‍ക്കമാണ് സംഭവത്തിന് പിന്നിലെന്ന് പൊലിസ് പറഞ്ഞു.