പെരിങ്ങത്തൂര്‍: ഡിഫ്തീരിയ ബോധവല്‍കരണത്തിന്റെ ഭാഗമായി 'അതിജീവനം, ക്യാംപയിന് പെരിങ്ങത്തൂര്‍ എന്‍.എ.എം ഹയര്‍ സെക്കന്‍ഡറി സ്‌കൂളില്‍ ഉജ്ജ്വല തുടക്കം.
പെരിങ്ങത്തൂര്‍ പ്രാഥമികാരോഗ്യ കേന്ദ്രത്തിന്റെ ആഭിമുഖ്യത്തിലാണ് ക്യാംപ് സംഘടിപ്പിക്കുന്നത്. മെഗാ പ്രതിരോധ കുത്തിവെപ്പില്‍ നൂറുകണക്കിന് കുട്ടികളുമായി രക്ഷിതാക്കള്‍ എത്തി കുത്തിവെപ്പെടുത്തു. ബോധവല്‍കരണത്തിന്റെ ഭാഗമായി ടൗണില്‍ വിളംബര ജാഥ നടന്നു.
പാനൂര്‍ നഗരസഭാ ഉപാധ്യക്ഷന്‍ പത്മനാഭന്‍, ഹെഡ്മാസ്റ്റര്‍ പി പത്മനാഭന്‍ എന്നിവര്‍ ഫ്‌ളാഗ് ഓഫ് നടത്തി. ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ ഇ.എ നാസര്‍, നഗരസഭാ കൗണ്‍സിലര്‍മാരായ ഉമൈസ തിരുവമ്പാടി, നജാത്ത്, സുവര്‍ണ, മെഡിക്കല്‍ ഓഫിസര്‍ ഡോ.രാഘേഷ് രാജു, ഹെല്‍ത്ത് സൂപ്പര്‍വൈസര്‍ സി.ജെ ചാക്കോ, ഹെല്‍ത്ത് ഇന്‍സ്‌പെക്ടര്‍മാരായ രാജന്‍ താമരശ്ശേരി, ഷാജി ഉച്ചമ്പള്ളി, മഹേഷ് കൊളോറ, ഉഷാ കെ.ടി, കെ ജയശ്രി, ശ്രീധരന്‍, സ്‌കൗട് ആന്റ് ഗൈഡ്‌സ്, എസ്.പി.സി, ആരോഗ്യ പ്രവര്‍ത്തകര്‍ തുടങ്ങിയവര്‍ വിളംബര ജാഥക്ക് നേതൃത്വം നല്‍കി.
മെഗാ രോഗപ്രതിരോധ കുത്തിവെപ്പ് ക്യാംപയിന് ജില്ല മെഡിക്കല്‍ ഓഫിസര്‍ പി.കെ ബേബി, ജില്ല ആര്‍.സി.എച്ച് ഓഫിസര്‍ ഡോ.ജ്യോതി, ഡോ.അജ്ഞലി തച്ചത്ത്, ജില്ല എം.സി.എച്ച് ഓഫിസര്‍ എലിയാമ്മ, പബ്ലിക് ഹെല്‍ത്ത് നേഴ്‌സ് വി ശാന്ത നേതൃത്വം നല്‍കി.