തലശേരി: അഞ്ഞൂറു പാക്കറ്റ് പുകയില ഉല്‍പ്പന്നങ്ങളുമായി വ്യാപാരിയെ പൊലിസ് അറസ്റ്റു ചെയ്തു. ചെണ്ടയാട് മഞ്ഞ കാഞ്ഞിരത്തിനു സമീപത്തെ വ്യാപാരി പി അബ്ദുള്ളയെയാണ് പാനൂര്‍ പ്രിന്‍സിപ്പല്‍ എസ്.ഐ രാജീവന്റെ നേതൃത്വത്തിലുള്ള സംഘം പിടികൂടിയത്. നിരോധിത പുകയില ഉല്‍പ്പങ്ങളാണ് ഇയാളില്‍ നിന്ന് കണ്ടെടുത്തത്. വിദ്യാര്‍ഥികള്‍ ഉള്‍പ്പെടെയുള്ള നിരവധി പേര്‍ക്ക് ഈ കടയില്‍ നിന്നും ലഹരി ഉല്‍പ്പന്നങ്ങള്‍ വില്‍ക്കുന്നുണ്ടെന്ന രഹസ്യവിവരത്തെ തുടര്‍ന്നാണ് പൊലിസ് പരിശോധന നടത്തിയത്. കടയിലും സമീപത്തെ വീടിന്റെ തേങ്ങാപ്പുരയിലും ഒളിപ്പിച്ചുവച്ച നിലയിലായിരുന്നു ലഹരിവസ്തുക്കള്‍. മയ്യില്‍: കടകേന്ദ്രീകരിച്ച് നിരോധിത പുകയില ഉല്‍പ്പന്നങ്ങള്‍ വില്‍ക്കുകയായിരുന്ന വ്യാപാരിയെ പൊലിസ് അറസ്റ്റു ചെയ്തു. ചെറുപഴശി കുന്നത്ത്പുതിയ പുരയില്‍ ഹംസ(60) യാണ്പിപിടിയിലായത്.