ഈരാറ്റുപേട്ട; കൂട്ടിക്കല്‍ ഒളയനാട് എസ്.എം.ജി .യു സ്‌കൂളിലെ പരിപാടിയില്‍ പങ്കെടുക്കാന്‍ വിളിച്ച സ്‌കൂള്‍ അധികൃതരോട് പി.സി ജോര്‍ജ് എം.എല്‍.എ പരുഷമായും വര്‍ഗീയപരമായും സംസാരിച്ചുവെന്നാരോപിച്ച് ഹൈറേഞ്ച് എസ്.എന്‍.ഡി.പി യൂനിയന്റെ നേതൃത്വത്തില്‍ ഇന്ന് പ്രതിഷേധ പ്രകടനം നടത്തും. 

രാവിലെ 11ന് ഈരാറ്റുപേട്ടയില്‍ നടക്കുന്ന പ്രകടനത്തില്‍ കോട്ടയം ജില്ലയിലെ 8 എസ്.എന്‍.ഡി.പി യൂനിയനുകളില്‍ പെട്ട അംഗങ്ങള്‍ പങ്കെടുക്കും.അഞ്ചിന് സ്‌കൂളില്‍ നടക്കുന്ന പരിപാടിയില്‍ പങ്കടുക്കുന്നതിന് എം.എല്‍.എ.യെ ക്ഷണിച്ചിരുന്നു.
പ്രസ്തുത ദിവസം ഓര്‍മ്മപ്പെടുത്തുന്നതിന് രാവിലെ എം.എല്‍.എ.യെ വിളിച്ചപ്പോള്‍ കഴിഞ്ഞ വര്‍ഷത്തെ സ്‌കൂള്‍ മാഗസിനില്‍ തന്റെ ചിത്രം ഉള്‍പ്പെടുത്താതെ ഹിന്ദുവായ മന്ത്രിയുടെ ഫോട്ടോ ഉള്‍പ്പെടുത്തിയെന്നാരോപിച്ചെന്നാണ് സ്‌കൂള്‍ അധികൃരുടെ ഭാഷ്യം. കഴിഞ്ഞ വര്‍ഷം പി.സി. ജോര്‍ജിന് ഈ ഭാഗത്തു നിന്നും മതിയായ വോട്ടു കിട്ടിയില്ലന്നും അതുകൊണ്ട് ഈ മേഖലയെ എം.എല്‍.എ തഴയുന്നു എന്നും സ്‌കൂള്‍ അഅധികൃതര്‍ ആരോപിക്കുന്നു.
ഈഴവ സമുദായത്തെ ഒന്നടങ്കം പി.സി. ജോര്‍ജ് അപമാനിച്ചതായും നേതാക്കള്‍ ആരോപിച്ചു.