കല്ലമ്പലം : ഗ്യാസ് സിലിണ്ടര്‍ പൊട്ടിത്തെറിച്ച് വീടിനു നാശ നഷ്ടം സംഭവിച്ചെങ്കിലും വീട്ടുകാര്‍ അത്ഭുതകരമായി രക്ഷപ്പെട്ടു. ഇന്നലെ ഉച്ചക്ക് മണമ്പൂര്‍ കുളമുട്ടം റഫീക്കിന്റെ ഉടമസ്ഥതയിലുള്ള നൂറാ മന്‍സിലിലാണ് സംഭവം.
അടുക്കളയില്‍ ഉപയോഗിക്കാതെ മാറ്റി വച്ചിരുന്ന നിറയെ ഗ്യാസ് ഉള്ള സിലിണ്ടറാണ് പൊട്ടിത്തെറിച്ചത്.
വീടിന്റെ അടുക്കളക്കു കേടുപാടുകളുണ്ടായി. ഇവിടെ വാടകക്കു താമസിക്കുന്ന റംല കഴിഞ്ഞയാഴ്ച വാങ്ങിയ സിലിണ്ടറാണ് പൊട്ടിത്തെറിച്ചത്.
സംഭവസമയത്ത് റംലയും മരുമകളും ചെറുമകനും അടുത്തമുറിയിലുണ്ടായിരുന്നു. റവന്യൂ അധികൃതരും പൊലിസും സംഭവ സ്ഥലം സന്ദര്‍ശിച്ചു.