തിരുവനന്തപുരം: ഈ വര്‍ഷത്തെ എന്‍ജിനിയറിങ്, ഫാര്‍മസി പ്രവേശന പരീക്ഷയിലെ ആദ്യ ദിനത്തില്‍ 89.5 ശതമാനം അപേക്ഷകര്‍ പരീക്ഷയെഴുതി. ഇന്നലെ നടന്ന ഫിസിക്‌സ് ആന്‍ഡ് കെമിസ്ട്രി പരീക്ഷയില്‍ 1,12,129 പേര്‍ അപേക്ഷിച്ചെങ്കിലും 1,00,350 പേര്‍ ആണ് എഴുതിയത്. ഇടുക്കിയില്‍ ഹര്‍ത്താല്‍ പ്രഖ്യാപിച്ചിരുന്നെങ്കിലും പരീക്ഷയെ ബാധിച്ചില്ല.
സംസ്ഥാനത്തെ 307 കേന്ദ്രങ്ങളിലും ഡല്‍ഹി, മുംബൈ, ദുബൈ എന്നിവിടങ്ങളിലുമാണ് പരീക്ഷ നടക്കുന്നത്. ഇന്ന് കണക്ക് പരീക്ഷ നടക്കും.