കോട്ടയം: സമൂഹ മാധ്യമങ്ങള്‍ വഴി വ്യാജ പ്രചാരണം നടത്തുന്നവര്‍ക്കെതിരേ പി.സി ജോര്‍ജ് എം.എല്‍.എ ഡി.ജി.പിക്ക് പരാതി നല്‍കി.
ബി.ജെ.പി സ്ഥാനാര്‍ഥി കെ. സുരേന്ദ്രനായി പ്രചാരണം നടത്തുന്നതിനിടയില്‍ ജോര്‍ജിനെതിരേ സ്ത്രീകളുടെ ആക്രമണം എന്ന രീതിയിലാണ് സമൂഹ മാധ്യമങ്ങള്‍ വഴി വ്യാജ വിഡിയോ പ്രചരിക്കുന്നത്. 2015ല്‍ തിടനാട് പഞ്ചായത്തിന്റെ പരിപാടിക്കിടെയുണ്ടായ സംഭവത്തിന്റെ വിഡിയോ ആണ് അപകീര്‍ത്തികരമായ രീതിയില്‍ പ്രചരിപ്പിക്കുന്നതെന്നും പരാതിയില്‍ പറയുന്നു.