ചേര്‍ത്തല: ജില്ലാ കോണ്‍ഗ്രസ് നേതൃത്വം രാജിവെക്കാന്‍ നിര്‍ദേശം നല്‍കി ഒരാഴ്ചയായിട്ടും പ്രസിഡന്റ് രാജിവെക്കുന്നില്ല.നേതൃമാറ്റ വിഷയത്തില്‍ ചേര്‍ത്തല തെക്കില്‍ കോണ്‍ഗ്രസിനുളളില്‍ പൊട്ടിത്തെറി.മുന്‍ ധാരണ പ്രകാരം നിലവിലെ പ്രസിഡന്റ് വി.എ.സേതുലക്ഷ്മിയോടാണ് ഒരാഴ്ച മുന്‍പ് അടിയന്തിരമായി രാജിവെക്കാന്‍ പാര്‍ട്ടി കത്തു നല്‍കിയത്.

എന്നാല്‍ ഒരാഴ്ച പിന്നിടുമ്പോഴും രാജിയില്‍ തീരുമാനമായിട്ടില്ല.15നു മുമ്പു രാജിവെക്കാന്‍ പ്രസിഡന്റിനു പാര്‍ട്ടി നേതൃത്വം അന്ത്യശാസനം നല്‍കിയതായാണ് വിവരം.രാജി നീളുന്നതിനെതിരെ പ്രതിഷേധവുമായി കോണ്‍ഗ്രസിന്റെ ശക്തികേന്ദ്രമായ തീരദേശത്തു നിന്നാണ് പ്രതിഷേധംഉയര്‍ന്നിട്ടുള്ളത്.എന്നാല്‍ ഇത്തരത്തില്‍ ധാരണയുണ്ടായിരുന്നില്ലെന്നാണ് പാര്‍ട്ടിയിലെ ഒരു വിഭാഗത്തിന്റെ വാദം.
നേതൃമാറ്റം വൈകുന്നതില്‍ പ്രതിഷേധിച്ച് തീരപ്രദേശത്തെ നാലുപഞ്ചായത്തംഗംങ്ങള്‍ രാജിഭീഷണി ഉയര്‍ത്തിയിട്ടുണ്ട്. ഇവര്‍ പാര്‍ട്ടി മണ്ഡലം പ്രസിഡന്റിനു രാജികത്തു കൈമാറി. തീരദേശ അംഗങ്ങളായ ലീലാമ്മ ആന്റണി,ജോസ് ബെന്നറ്റ്,ഹെര്‍ബിന്‍ പീറ്റര്‍,സിബിപൊള്ളയില്‍ എന്നിവരാണ് ശക്തമായ നടപടികളുമായി രംഗത്തു വന്നിട്ടുള്ളത്.22 അംഗ പഞ്ചായത്തില്‍ 12 അംഗങ്ങളാണ് കോണ്‍ഗ്രസിനുള്ളത്.ഇടതുപക്ഷത്തിനു ഒമ്പതും ബി.ജെ.പിക്ക് ഒരംഗവുമാണുള്ളത്.