കൊല്ലം: ട്രിവാന്‍ഡ്രം കാന്‍സര്‍ സെന്ററിന്റെയും കടപ്പാക്കട സ്‌പോര്‍ട്‌സ് ക്ലബും സംയുക്തമായി ക്യാന്‍ക്യുവര്‍- സൗജന്യ കാന്‍സര്‍ നിര്‍ണയ ക്യാംപ് സംഘടിപ്പിച്ചു. റീജിയണല്‍ കാന്‍സര്‍ സെന്റര്‍ സ്ഥാപക ഡയറക്ടര്‍ ഡോ. എം. കൃഷ്ണന്‍ നായര്‍ ഉദ്ഘാടനം ചെയ്തു. ഡോ. ബൈജു സേനാധിപന്‍ ആമുഖ പ്രഭാഷണം നടത്തി. കടപ്പാക്കട സ്‌പോര്‍ട്‌സ് ക്ലബ് പ്രസിഡന്റ് ജി. സത്യബാബു, ട്രിവാന്‍ഡ്രം കാന്‍സര്‍ സെന്റര്‍ മാനേജ്‌മെന്റ് കണ്‍സള്‍ട്ടന്റ് സുനില്‍ മാത്യു എന്നിവര്‍ സംസാരിച്ചു. നൂറുകണക്കിനു പേര്‍ ക്യാംപില്‍ പങ്കെടുത്തു.