തിരുവനന്തപുരം: കയര്‍ബോര്‍ഡ് പുരസ്‌കാരം സി.ഐ.ടി.യു സംസ്ഥാന പ്രസിഡന്റും ദേശീയ ഉപാധ്യക്ഷനുമായ ആനത്തലവട്ടം ആനന്ദന്.
കോയമ്പത്തൂരില്‍ നടക്കുന്ന അന്താരാഷ്ട്ര കയര്‍മേളയില്‍വച്ച് കേന്ദ്ര മന്ത്രി കല്‍രാജ് മിശ്ര പ്രശസ്തപത്രവും ശില്‍പവും അടങ്ങുന്ന പുരസ്‌കാരം സമ്മാനിച്ചു.
കയര്‍ബോര്‍ഡ് ചെയര്‍മാന്‍ സി.പി. രാധാകൃഷ്ണന്‍ അധ്യക്ഷനായി. മഹാരാഷ്ട്ര ധനമന്ത്രി ദീപക് വസന്ത് കെസാര്‍കര്‍, സൂക്ഷ്മ ചെറുകിടസംരംഭക മന്ത്രാലയം സെക്രട്ടറി ഡോ. കെ. കെ. ജലന്‍, അഡീഷണല്‍ സെക്രട്ടറി എസ്.എന്‍. ത്രിപാദി, നബാര്‍ഡ് ചെയര്‍മാന്‍ ഡോ. ഹര്‍ഷ്‌കുമാര്‍ ഭന്‍വാല എന്നിവര്‍ സംസാരിച്ചു.