അങ്കാറ: വടക്കന്‍ ഇറാഖിലും വടക്കന്‍ സിറിയയിലും കുര്‍ദിസ്ഥാന്‍ വര്‍ക്കേഴ്‌സ് പാര്‍ട്ടി (പി.കെ.കെ) പോരാളികള്‍ക്കെതിരെ ആക്രമണം ശക്തമാക്കി തുര്‍ക്കി സേന. ഇവര്‍ക്കെതിരെ നടത്തിയ വ്യോമാക്രമണത്തില്‍ 24 കുര്‍ദികള്‍ കൊല്ലപ്പെട്ടതായി തുര്‍ക്കിയുടെ ഔദ്യോഗിക ചാനലായ അനാദോലു റിപ്പോര്‍ട്ട് ചെയ്തു.

വടക്കു-കിഴക്കന്‍ സിറിയയിലെ കറാചോക് കുന്നുകളും വടക്കന്‍ ഇറാഖിലെ സിന്‍ചാര്‍ മലമ്പ്രദേശത്തുമാണ് ആക്രമണം നടത്തിയത്.

തുര്‍ക്കിയിലേക്ക് സ്‌ഫോടക വസ്തുക്കളും ആയുധങ്ങളും തീവ്രവാദികളേയും കടത്തുന്നുവെന്നു കാട്ടിയാണ് കുര്‍ദുകള്‍ക്കെതിരെ ആക്രമണം നടത്തുന്നത്. അന്താരാഷ്ട്ര നിയമങ്ങളും ഇടയില്‍ നിന്നു കൊണ്ടാണ് ആക്രമണം നടത്തുന്നതെന്ന് തുര്‍ക്കി പ്രസ്താവനയില്‍ പറഞ്ഞു.