റിയാദ്: യു.എ.ഇ സൈന്യവും ഇറാനും തമ്മിലുണ്ടായ സംഘര്‍ഷത്തില്‍ യു.എ.ഇ സൈനികന്‍ കൊല്ലപ്പെട്ടു. ജലാതിര്‍ത്തികളില്‍ വെച്ച് നടന്ന സംഘര്‍ഷത്തിലാണ് തങ്ങളുടെ സൈനികന്‍ കൊല്ലപ്പെട്ടതെന്ന് യു.എ.ഇ അറിയിച്ചതായി ഇമാറാത്തി മാധ്യമങ്ങള്‍ റിപ്പോര്‍ട്ട് ചെയ്തു.

തങ്ങളുടെ നിയന്ത്രണത്തിലുള്ള പ്രദേശത്തു സാധാരണ പട്രോളിംഗില്‍ ഏര്‍പ്പെട്ടിരിക്കെ ഇറാന്‍ ബോട്ട് ഇടിച്ചു കയറ്റിയാണ് അപകടമെന്നാണ് വിവരം. അബ്ദുല്ല മുഹമ്മദ് ഈസ അല്‍ ഹമ്മദി എന്ന സൈനികനാണ് കൊല്ലപ്പെട്ടതിന് യു.എ.ഇ വാര്‍ത്താ ഏജന്‍സി വാം റിപ്പോര്‍ട്ട് ചെയ്തു. എന്നാല്‍, സംഭവത്തെ കുറിച്ചു കൂടുതല്‍ റിപ്പോര്‍ട്ടുകള്‍ പുറത്തു വന്നിട്ടില്ല.