കണ്ണൂര്‍: ജ്യോതിഷ വാചസ്പതിയും സംസ്‌കൃത പണ്ഡിതനുമായ കൊയ്യം കെ.വി കുഞ്ഞിരാമന്‍ മാസ്റ്റരുടെ പേരില്‍ ഏര്‍പ്പെടുത്തി. സംസ്‌കൃത പ്രതിഭാ പുരസ്‌കാരത്തിന് സംസ്‌കൃത പണ്ഡിതനും റിട്ട. കോളജിയേറ്റ് ഡെപ്യൂട്ടിഡയറക്ടറുമായ ഡോ എം.എസ് കമ്മത്ത് അര്‍ഹനായി. 5001 രൂപയും പ്രശസ്തിപത്രവും അടങ്ങുന്നതാണ് പുരസ്‌കാരം. 14ന് രാവിലെ പത്തരക്ക് മയ്യില്‍ ചെക്യാട്ട് കാവിലുള്ള സ്മാരക മന്ദിരത്തില്‍ എം.പി പി.കെ ശ്രീമതി പുരസ്‌കാരം വിതരണം ചെയ്യും. ടി.പി ഭാസ്‌കര പൊതുതാവള്‍ സാംസ്‌കാരിക പ്രഭാഷണം നടത്തും. മികച്ച കോളജ് അധ്യാപകന് നല്‍കുന്ന പ്രൊഫസര്‍ ഘനി മെമ്മോറിയല്‍ അവാര്‍ഡിനും കമ്മത്ത് അര്‍ഹനായിട്ടുണ്ട്.
വാര്‍ത്താ സമ്മേളനത്തില്‍ ട്രസ്റ്റ് പ്രസിഡന്റ് ഡോ. സി. ശശിധരന്‍, ജനറല്‍ സെക്രട്ടറി ഡോ. കെ. രാജഗോപാലന്‍, മലപ്പട്ടം ഗംഗാധരന്‍, ഡോ. സി.കെ മോഹനന്‍ പങ്കെടുത്തു.