വേങ്ങാട്: ഖുര്‍ആന്‍ പഠിക്കാനും മനഃപാഠമാക്കാനും നാം തയാറാവുന്നതോടൊപ്പം ആ വിശുദ്ധ സന്ദേശം പ്രായോഗിക ജീവിതത്തിലൂടെ സമൂഹത്തിനു പകര്‍ന്നുനല്‍കാന്‍ നാം മുന്നോട്ടുവരണമെന്നു സമസ്ത വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസലാം മുസ്‌ലിയാര്‍.
സമസ്ത ജില്ലാകമ്മിറ്റിയുടെ കീഴിലുള്ള വേങ്ങാട് തഹ്ഫീളുല്‍ ഖുര്‍ആന്‍ കോളജ് മൂന്നാംബാച്ചിന്റെ ഉദ്ഘാടനം നിര്‍വഹിക്കുകയായിരുന്നു അദ്ദേഹം. സമസ്ത കേന്ദ്ര സെക്രട്ടറി പി.പി ഉമര്‍ മുസ്‌ലിയാര്‍ അധ്യക്ഷനായി. സമസ്ത കേന്ദ്ര മുശാവറ അംഗം മാണിയൂര്‍ അഹ്മദ് മുസ്‌ലിയാര്‍ ദിക്‌റ് ദുആ മജ്‌ലിസിനു നേതൃത്വം നല്കി. കേന്ദ്ര മുശാവറ അംഗം കെ.കെ.പി അബ്ദുല്ല മുസ്‌ലിയാര്‍ അനുഗ്രഹ പ്രഭാഷണം നടത്തി. അബ്ദുല്‍ ഖാദിര്‍ അല്‍ഖാസിമി നമ്പ്രം, ഹാഫിസ് ലത്തീഫ് ബാഖവി, അബ്ദുറഹ്മാന്‍ ദാരിമി തിരുവട്ടൂര്‍, സി.പി അബൂബക്കര്‍ ഹാജി, ഉസ്മാന്‍ ഹാജി വേങ്ങാട്, മണിയപ്പള്ളി ആബൂട്ടി ഹാജി, വി.കെ മുഹമ്മദ്, ഹുസൈന്‍ പൊയില്‍, കെ.എന്‍ ഹുസൈന്‍, കെ.പി ഹുസൈന്‍, കെ.എന്‍ മുഹമ്മദ്, വി.കെ അബൂബക്കര്‍, ഹുസൈന്‍ വേങ്ങാട്, സി.പി ആബു, കെ.കെ അബ്ദുല്‍അസീസ് ഹാജി, നൗഫല്‍, കെ.പി റിയാസ്, വി.സി അന്‍വര്‍, എന്‍.സി ഇസ്മാഈല്‍, റാഫി, ഫള്‌ലുറഹ്മാന്‍ സംബന്ധിച്ചു.