ശ്രീകൃഷ്ണപുരം: കരിമ്പുഴ കൂട്ടിലക്കടവ് പാലത്തിനു സമീപം സാമൂഹ്യ വിരുദ്ധര്‍ അഴിഞ്ഞാടുന്നു. പാലത്തിനടുത് നിറയെ മയക്കു മരുന്ന് സിറിഞ്ചുകളും മദ്യ കുപ്പികളും കൊണ്ട് നിറഞ്ഞിരിക്കുകയാണ്. രാത്രി സമയങ്ങളില്‍ പാലത്തിനു മുകളിലാണ് ഇവരുടെ അധിക്രമങ്ങള്‍.
നാട്ടുകാര്‍ പലതവണ പരാതിപ്പെട്ടിട്ടും അധികൃതര്‍ അനങ്ങാപ്പാറ നയം സ്വീകരിക്കുകയാണ്. ഇത് മൂലം സമീപ വാസികള്‍ക്ക് ഇവരുടെ ശല്യം വളരെ പ്രയാസങ്ങള്‍ സൃഷ്ടിക്കുന്നുണ്ട്.
പഞ്ചായത്തില്‍ വര്‍ധിച്ചു വരുന്ന കൊലപാതകങ്ങളും കവര്‍ച്ചയും ഇത്തരക്കാരിലൂടെ ആണ് ഉണ്ടാവുന്നത്. പൊലിസ് പരിശോധന ഉറപ്പ് വരുത്തണമെന്നും രാത്രികാല പെട്രോളിംങ് ശക്ത മാക്കണമെന്നും ശാഖ മുസ്‌ലിം ലീഗ് കമ്മിറ്റി ആവശ്യപ്പെട്ടു.
സി പി മുഹമ്മദലി മരക്കാര്‍, എന്‍ സി മുഹമ്മദ് എന്നിവര്‍ സംസാരിച്ചു