അമ്പലപ്പുഴ: ബൈക്കില്‍ കഞ്ചാവ് എത്തിച്ചു വില്‍പ്പന നടത്തി വന്ന മൂന്നു യുവാക്കള്‍ അറസ്റ്റില്‍.
പുന്നപ്ര വടക്ക് പഞ്ചായത്ത് കരിമ്പാവളവില്‍ സജി ഭവനത്തില്‍ രാജേഷിന്റെ മകന്‍ കണ്ണന്‍ (20), പുന്നപ്ര ഗുരുപാദം മാന്തഴയില്‍ സനില്‍കുമാറിന്റെ മകന്‍ ഉണ്ണിയെന്ന് വിളിക്കുന്ന സന്ദീപ് (21), കരിമ്പാവളവ് ആറ്റമ്പതില്‍ അറുമുഖന്റെ മകന്‍ അഖില്‍ (20) എന്നിവരെയാണ് പിടികൂടിയത്.  
ബൈക്കില്‍ കഞ്ചാവ് വില്‍പ്പന നടത്തുന്നുവെന്ന രഹസ്യ വിവരത്തെ തുടര്‍ന്ന് ഇന്നലെ വൈകിട്ട് പറവൂര്‍ ഭാഗത്ത് നിന്നും ഇവരെ അറസ്റ്റ് ചെയ്യുകയായിരുന്നു.
പരിശോധനയില്‍ ഇവരില്‍നിന്നും 200 ഗ്രാം കഞ്ചാവും കണ്ടെത്തു. ഇവര്‍ സഞ്ചരിച്ചിരുന്ന ബൈയ്ക്കും പൊലിസ് കസ്റ്റഡിയിലെടുത്തു.
പ്രതികളെ അമ്പലപ്പുഴ ഫസ്റ്റ് ക്ലാസ്സ് മജിട്രേറ്റ് കോടതിയില്‍ ഹാജരാക്കി. സീനിയര്‍ സിവില്‍ പൊലിസ് ഓഫിസര്‍മാരായ അഗസ്റ്റിന്‍, സിദ്ധീക്ക്, പ്രതീപ് എന്നിവരും സംഘത്തിലുണ്ടായിരുന്നു.