മട്ടാഞ്ചേരി: കല്‍പ്പണിക്കാരായ രണ്ടു സുഹൃത്തുക്കള്‍ തമ്മിലുണ്ടായ വാക്ക് തര്‍ക്കം കത്തിക്കുത്തിലെത്തി. ഒറ്റപ്പാലം കണിയാപുരം മേച്ചേരി വീട്ടില്‍ ഗോപാലനാണ് (54) കുത്തേറ്റത്. ഇയാള്‍ ആശുപത്രിയില്‍ ചികിത്സയിലാണ്. തൃശൂര്‍ ഡിസി കോളനിയില്‍ നെടുന്തറകുന്നത്ത് വീട്ടില്‍ ദാസന്‍ എന്നു വിളിക്കുന്ന ദേവദാസന്‍ (59) കറിക്കത്തി ഉപയോഗിച്ച് ഗോപാലന്റെ കഴുത്തിലും ഇടതു തോളിലും കുത്തുകയായിരുന്നുവെന്ന് പൊലിസ് പറഞ്ഞു. പ്രതിയെ പള്ളുരുത്തി പോലീസ് അറസ്റ്റ് ചെയ്തു.
ഇരുവരും താമസിച്ചിരുന്ന വീടിന്റെ താക്കോല്‍ കാണാതെ പോയത് സംബന്ധിച്ച തര്‍ക്കമാണ് കത്തിക്കുത്തില്‍ കലാശിച്ചത്.