കോട്ടയം: ജില്ലയില്‍ ഡിസ്‌പോസിബിള്‍ ഫ്രീ മഴക്കാല പൂര്‍വ ശുചിത്വ കാംപയിന്‍ സംഘടിപ്പിക്കുന്നതിന്റെ ഭാഗമായി ശുചിത്വമിഷന്റെ ആഭിമുഖ്യത്തില്‍ പരിശീലന പരിപാടി സംഘടിപ്പിച്ചു. ജില്ലാതല ഉദ്യോഗസ്ഥര്‍ക്കായി കലക്‌ട്രേറ്റ് കോണ്‍ഫറന്‍സ് ഹാളില്‍ നടന്ന  പരിപാടി ജില്ലാ കലക്ടര്‍ സി.എ ലത ഉദ്ഘാടനം ചെയ്തു.
 ഗ്രാമപഞ്ചായത്ത് പ്രസിഡന്റ്മാര്‍ക്കായി ദേശീയ സമ്പാദ്യ പദ്ധതി ഹാളില്‍ നടന്ന പരിശീലനം ജില്ലാ പഞ്ചായത്ത് പ്രസിഡന്റ്  മേരി സെബാസ്റ്റ്യന്‍ ഉദ്ഘാടനം ചെയ്തു.
മഴക്കാലത്തുണ്ടാകുന്ന രോഗങ്ങള്‍ തടയുന്നതിന് തദ്ദേശ സ്വയം ഭരണ സ്ഥാപനതലത്തില്‍ കൈ കൊള്ളേണ്ട നടപടികള്‍ സംബന്ധിച്ച് ഡി.എം.ഒ ഡോ. ജേക്കബ് വര്‍ഗീസ്, ജില്ലാ ശുചിത്വമിഷന്‍ കോഓര്‍ഡിനേറ്റര്‍ ജോണ്‍സണ്‍ പ്രേം കുമാര്‍ എന്നിവര്‍ ക്ലാസെടുത്തു.
ആരോഗ്യ വകുപ്പും തദ്ദേശ സ്വയം ഭരണ വകുപ്പും ശുചിത്വ മിഷനും ചേര്‍ന്ന് വാര്‍ഡ്തലത്തില്‍ നടത്തുന്ന ശുചിത്വ പദ്ധതികള്‍ക്ക് 25,000 രൂപ ലഭിക്കും.