തൊടുപുഴ: മന്ത്രി എം.എം മണി ഇടുക്കി ജില്ലയ്ക്ക് അപമാനവും ബാധ്യതയുമായി മാറിയെന്ന് ഡി.സി.സി അദ്ധ്യക്ഷന്‍ അഡ്വ. ഇബ്രാഹിംകുട്ടി കല്ലാര്‍ പറഞ്ഞു.
തൊഴിലാളികളുടെ അവകാശസമര പോരാട്ടം ഐ.എന്‍.ടി.യു.സിയോ, സി.ഐ.ടി.യുവോ, എ.ഐ.ടി.യു.സിയോ പെമ്പിളൈ ഒരുമയോ ആരു നടത്തിയാലും അതിനെ കേരളീയ സമൂഹം പിന്തുണച്ചിട്ടുണ്ട്. അത്തരമൊരു ഐതിഹാസിക സമരം നടത്തിയ തൊഴിലാളികളായ സഹോദരിമാരെ സംബന്ധിച്ച് മണി നടത്തിയ പരാമര്‍ശം ഒരിക്കലും നീതീകരിക്കാന്‍ കഴിയില്ല.
മന്ത്രി എം.എം മണിയെ മന്ത്രിസഭയില്‍ നിന്ന് നീക്കം ചെയ്യാന്‍ മുഖ്യമന്ത്രി തയാറാകണം. മന്ത്രി എം.എം മണി ദേവികുളത്തെ കൈയേറ്റ ലോബിയുടെ മുഖ്യരക്ഷാധികാരിയായി മാറിയിരിക്കുന്നുവെന്ന് ഡി.സി.സി പ്രസിഡന്റ് പറഞ്ഞു.