പെരുമ്പാവൂര്‍: ഇരുചക്രവാഹനം നിയന്ത്രണം വിട്ട് കിണറ്റിലേക്ക് മറിഞ്ഞ് മാതാവിനും മകനും പരിക്കേറ്റു. മാവേലിപ്പടി പാറപ്പുറം വീട്ടില്‍ ലിസ്സി ജോസഫ്  (47),  മകന്‍ അരുണ്‍ (21) എന്നിവര്‍ക്കാണ് പരിക്കേറ്റത്. വവാഹനം ഓടിക്കുന്നതിനിടയില്‍ നിയന്ത്രണം വിട്ട് ഇരുചക്രവാഹനത്തോടൊപ്പം വീട്ടുമുറ്റത്തെ കിണറിലേക്ക് ഇരുവരും വീഴുകയായിരുന്നു. കൂവപ്പടി പഞ്ചായത്ത് മാവേലിപ്പടിയില്‍ ഇന്നലെ രാവിലെ 9.45 ഓടെയാണ് സംഭവം. 30 അടിയോളം താഴ്ച്ചയുള്ള കിണറിലേക്കാണ് ഇരുവരും വാഹനത്തോടൊപ്പം വീണത്. മാതാവിനെ ഇരുചക്ര വാഹനം ഓടിക്കാന്‍ പഠിപ്പിക്കുന്നതിനിടെയാണ് അപകമെന്ന് ഫയര്‍ ഫോഴ്‌സ് പറഞ്ഞു. പെരുമ്പാവൂരില്‍ നിന്നും അസി. സ്റ്റേഷന്‍ ഓഫീസര്‍ എന്‍.എച്ച് അസൈനാരുടെ നേതൃത്വത്തില്‍ ഫയര്‍ ഫോഴ്‌സ് ഉടനെ സ്ഥലത്തെത്തി ലാഡര്‍, റോപ്പ,് നെറ്റ് എന്നിവ ഉപയോഗിച്ച് ഇരുവരേയും രക്ഷപ്പെടുത്തി ആസ്പത്രിയില്‍ പ്രവേശിപ്പിച്ചു.