പാവറട്ടി: പാടൂര്‍ തഅ്‌ലീമുല്‍ ഇസ്‌ലാം മദ്‌റസയില്‍ 2016 - 17 അധ്യായന വര്‍ഷത്തെ പ്രവേശനോത്സവം മഹല്ല് ഖത്തീബ് ഉമര്‍ ബാഖവി ഉദ്ഘാടനം ചെയ്തു. പ്രസിഡന്റ് മൂസ ഹാജി അധ്യക്ഷനായി.
മദ്‌റസ ഡെവലപ്പ് കമ്മിറ്റി കണ്‍വീനര്‍ മുഹസിന്‍ തങ്ങള്‍, പി.ടി.എ പ്രസിഡന്റ് ഉമര്‍ ചക്കനാത്ത്, സയ്യിദ് സ്വാദിഖ് തങ്ങള്‍, എ.വി സുലൈമാന്‍, സ്വദ്ര്‍ മൊയ്തുട്ടി മാസ്റ്റര്‍, മുസ്തഫല്‍ ഫൈസി, ബശീര്‍ ഫൈസി, ബശീര്‍ കണ്ടംപറമ്പ്, ജമാല്‍ ചിറയ്ക്കല്‍ സംസാരിച്ചു. പൈങ്കണ്ണിയൂര്‍ നുസ്‌റത്തുല്‍ ഇസ്‌ലാം മദ്‌റസയില്‍ നടന്ന പ്രവേശനോത്സവം മഹല്ല് ഖത്തീബ് ഹംസ ദാരിമി ഉദ്ഘാടനം ചെയ്തു. പ്രസിഡന്റ് എ.പി ഹമീദ് ഹാജി അധ്യക്ഷനായി. അബൂബക്കര്‍ മുസ്‌ലിയാര്‍, മുജീബ് മുസ്‌ലിയാര്‍, നൗഷാദ് മുസ്‌ലിയാര്‍ സംസാരിച്ചു. വെന്മേനാട് ഹയാത്തുല്‍ ഇസ്‌ലാം മദ്‌റസയില്‍ നടന്ന പ്രവേശനോത്സവം പാലുവായ് റൈഞ്ച് വൈസ് പ്രസിഡന്റ് ടി.അബ്ദുല്‍ റഹ്മാന്‍ മുസ്‌ലിയാര്‍ ഉദ്ഘാടനം ചെയ്തു.
പ്രസിഡന്റ് ഹാജി എന്‍.പി യൂസഫ് ഹാജി അധ്യക്ഷനായി. ഹംസ അന്‍വ്വരി, ആശിഖ് നിസാമി, സ്വലാഹുദ്ദീന്‍ മുസ്‌ലിയാര്‍, അബ്ദുല്‍ വാഹിദ് ദാരിമി, ബശീര്‍ എന്‍.പി സംസാരിച്ചു. പുതുമനശ്ശേരി നൂറുല്‍ ഹുദാ മദ്‌റസയില്‍ നടന്ന പ്രവേശനോത്സവം ഖത്തീബ് മന്‍സൂര്‍ അലി ദാരിമി ഉദ്ഘാടനം ചെയ്തു. സ്വദര്‍ മുഹമ്മദ് റഊഫ് മുസ്‌ലിയാര്‍ അധ്യക്ഷനായി. അബ്ദുള്ള ബാഖവി, മുഹ്‌യിദ്ദീന്‍ ബാഖവി, കുഞ്ഞാലി മുസ്‌ലിയാര്‍, അബ്ദുള്ള മുസ്‌ലിയാര്‍, അബ്ദുല്‍ ഖാദര്‍ മാസ്റ്റര്‍, അഹ്മദ് അബ്ദുല്‍ ലത്തീഫ് മുസ്‌ലിയാര്‍ എന്നിവര്‍ സംസാരിച്ചു.
കൈതമുക്ക് നുസ്‌റത്തുല്‍ ഇസ്‌ലാം മദ്‌റസയില്‍ നടന്ന പ്രവേശനോത്സവം സ്വദ്ര്‍ അഷറഫ് മുസ്‌ലിയാര്‍ ഉദ്ഘാടനം ചെയ്തു. സെക്രട്ടറി നൗഷാദ് എലാന്ത്ര അധ്യക്ഷനായി. മുഹമ്മദ് റഊഫ് മുസ്ലിയാര്‍ സ്വാഗതം പറഞ്ഞു. തിരുനെല്ലൂര്‍ നൂറുല്‍ ഹിദായ മദ്രസയില്‍ നടന്ന പ്രവേശനോത്സവം മഹല്ല് ഖത്തീബ് അബ്ദുള്ള അഷറഫി ഉദ്ഘാടനം ചെയ്തു.