കൊയിലാണ്ടി: കെ. മുരളീധരന്റെ രണ്ടാം ഘട്ട പര്യടനം പയ്യോളിയില്‍ നിന്ന് ആരംഭിച്ചു. രാവിലെ തിക്കോടി, ചേമഞ്ചേരി, ചെങ്ങോട്ട്കാവ് ഭാഗങ്ങളിലെ കുടുംബ സംഗമത്തില്‍ പങ്കെടുത്തു.
തുടര്‍ന്ന് വൈകിട്ട് മേലൂരില്‍ നിന്ന് ആരംഭിച്ച് മാവിന്‍ ചുവട്, കൊല്ലം ടൗണ്‍, ചിങ്ങപുരം, തിക്കോടി എന്നിവിടങ്ങളില്‍ പര്യടനം നടത്തി പയ്യോളിയില്‍ സമാപിച്ചു.
സംസ്‌കാര സാഹിതിയുടെ സ്‌നേഹ രാജ്യം നാടകവും അരങ്ങേറി. യു. രാജീവന്‍, മീത്തില്‍ അബ്ദുറഹ്മാന്‍, മടത്തില്‍ നാണു, വി.പി ഭാസ്‌കരന്‍, സന്തോഷ് തിക്കോടി, സി.വി ബാലകൃഷ്ണന്‍, വി.ടി സുരേന്ദേന്‍, കെ.എം നജീബ്, കെ. വിജയന്‍, സി.പി അലി, എ. അസീസ്, പി. ദാമോദരന്‍, പടന്നയില്‍ പ്രഭാകരന്‍ തുടങ്ങിയവര്‍ സ്ഥാനാര്‍ഥിയുടെ കൂടെ ഉണ്ടായിരുന്നു. വിവിധ സ്വീകരണ യോഗത്തില്‍, റഷീദ് വെങ്ങളം, ദിനേഷ് പെരുമണ്ണ, കാവില്‍ പി. മാധവന്‍, ജിതേഷ് മുതുകാട്, രാജേഷ് ചെറുവണ്ണൂര്‍, എ.കെ ജാനിബ് സംസാരിച്ചു.