മോസ്‌കോ: ലോകകപ്പ് ഫൈനലിന് മോസ്‌കോയില്‍ രാഷ്ട്രീയ പ്രാധാന്യമുള്ള കൂടിക്കാഴ്ച നടക്കും. ഫ്രഞ്ച് പ്രസിഡന്റ് ഇമ്മാനുവല്‍ മാക്രോണും റഷ്യന്‍ പ്രസിഡന്റ് വ്‌ലാദിമിര്‍ പുടിനും തമ്മിലായിരിക്കും ഞായറാഴ്ച മോസ്‌കോയില്‍ കൂടിക്കാഴ്ച നടക്കുക. ലോക രാഷ്ട്രീയത്തില്‍ ഏറെ പ്രാധാന്യമുള്ളതാണ് ഇരുവരുടെയും കൂടിക്കാഴ്ച. അതുകൊണ്ട് ലോകം ഇതിനെ പ്രതീക്ഷയോടെയാണ് ഉറ്റുനോക്കുന്നത്. ലോകകപ്പ് ഫൈനല്‍ കാണുന്നതിനായി മോസ്‌കോയിലെത്തുന്ന മാക്രോണ്‍ ക്രെംലിന്‍ കൊട്ടാരത്തില്‍ വച്ചായിരിക്കും പുടിനുമായി കൂടിക്കാഴ്ച നടക്കുക. കഴിഞ്ഞ ദിവസം നടന്ന ഫ്രാന്‍സ് -ബെല്‍ജിയം സെമി ഫൈനല്‍ വീക്ഷിക്കാന്‍ മാക്രോണ്‍ സെന്റ്പീറ്റേഴ്‌സ് ബര്‍ഗിലെത്തിയിരുന്നു.