തിരുവനന്തപുരം: എം. ശിവശങ്കറിന്റെ ഫ്‌ളാറ്റ് സ്വര്‍ണക്കടത്തിന്റെ ഗൂഢാലോചന കേന്ദ്രമായെന്ന സംശയം വര്‍ധിപ്പിച്ച് സ്വപ്‌നയുടെ മൊബൈല്‍ ടവര്‍ സിഗ്നല്‍ രേഖകള്‍ പുറത്ത്. സ്വര്‍ണക്കടത്ത് നടന്ന ദിവസങ്ങളില്‍ സ്വപ്‌ന രണ്ടര മണിക്കൂറോളം ചെലവഴിച്ചത് ഫ്‌ളാറ്റിരിക്കുന്ന ടവറിന്റെ പരിധിയിലാണ്.

രാവിലെ 9 മുതല്‍ ഉച്ചയ്ക്ക് 12.20 വരെ സ്വപ്‌ന ഫ്‌ളാറ്റിന് സമീപത്തെ ഹില്‍ട്ടണ്‍ ഇന്‍ പുന്നന്‍ റോഡ് എന്ന ടവര്‍ പരിധിയിലുണ്ടായിരുന്നു. സന്ദീപും സരിത്തും ഒപ്പമുണ്ടായിരുന്നതായാണ് സൂചന.

അതേസമയം, സരിത്തിന്റെയും സന്ദീപിന്റെയും ഫോണ്‍ രേഖകള്‍ പുറത്തുവന്നിട്ടില്ല.