വളാഞ്ചേരി: ഇസ്‌ലാമിക വിദ്യാഭ്യാസ സാമൂഹിക രംഗത്ത് മികച്ച സംഭാവനകള്‍ കാഴ്ചവെക്കുന്ന യുവപ്രതിഭകള്‍ക്കായി നല്‍കുന്ന സയ്യിദ് പൂക്കോയതങ്ങള്‍ ഹൈദറൂസി കാര്‍ത്തല മെമ്മോറിയല്‍ അവാര്‍ഡ് ഹാഫിള് ത്വാഹാ മഹ്മൂദിന് കൈമാറി.
സയ്യിദ് പൂക്കോയതങ്ങള്‍ പതിനൊന്നാം ആണ്ട് നേര്‍ച്ചയോടനുബന്ധിച്ച് കാവുംപുറം സാഗര്‍ ഓഡിറ്റോറിയത്തില്‍ നടന്ന ചടങ്ങില്‍ പാണക്കാട് സയ്യിദ് അബ്ദുല്‍ ജബ്ബാര്‍ ശിഹാബ് തങ്ങള്‍ 10001 രൂപയും പ്രശസ്തി പത്രവും അടങ്ങിയ പുരസ്‌കാരം കൈമാറി.സയ്യിദ് സ്വാലിഹ് തങ്ങള്‍ ഐദ്‌റൂസി കാര്‍ത്തല സംബന്ധിച്ചു. ജന്മനാല്‍ ഉള്ള അന്ധതയെ തോല്‍പ്പിച്ച് ബ്രെയിന്‍ ലിപി ഉപയോഗിച്ച് ഖുര്‍ആന്‍ മനപ്പാഠമാക്കിയ  ത്വാഹാ മഹ്മൂദ് 2016 ല്‍ ദുബായില്‍ നടന്ന ഹോളി ഖുര്‍ആന്‍ മത്സരത്തില്‍ ഇന്ത്യയെ പ്രതിനിധീകരിച്ചിട്ടുണ്ട്.