ആലപ്പുഴ: മഹാരാജാസ് കോളേജിലെ എസ്എഫ്‌ഐ പ്രവര്‍ത്തകന്‍ അഭിമന്യു കൊല്ലപ്പെട്ട സംഭവത്തില്‍ പ്രതികള്‍ രക്ഷപ്പെടാനുപയോഗിച്ചെന്ന് കരുതുന്ന കാര്‍ കണ്ടെടുത്തു. ചേര്‍ത്തല സ്വദേശിയുടെ പേരിലുളള വാഹനമാണ് കണ്ടെടുത്തത്.

അതേസമയം, ആലപ്പുഴയില്‍ നിന്നും രണ്ടു പേര്‍ കൂടി ഇന്ന് പിടിയിലായി. ആലപ്പുഴ സ്വദേശികളായ ഷാജഹാന്‍, ഷിറാസ് സലിം എന്നിവരാണ് കസ്റ്റഡിയിലായത്. ഇവരില്‍ നിന്ന് മതസ്പര്‍ധ പരത്തുന്ന രീതിയിലുള്ള ലഘുലേഖകള്‍ പിടിച്ചെടുത്തതായി പൊലിസ് പറഞ്ഞു. ഇവരുടെ വീടുകളിലും ഉടമസ്ഥതിയിലുള്ള സ്ഥാപനങ്ങളിലും റെയ്ഡ് നടത്തുകയാണ്. ഇവരില്‍ നിന്ന് മൊബൈല്‍ ലാപ്‌ടോപ്പ് തുടങ്ങിയവയും പിടിച്ചെടുത്തിട്ടുണ്ട്.