പരപ്പനങ്ങാടി: നിയന്ത്രണം വിട്ട കാര്‍ ഡ്രൈനേജിലേക്ക് ഇടിച്ചുകയറി. ഒഴിവായത് വന്‍ദുരന്തം. ഇന്നലെ പതിനൊന്നരയോടെ പുത്തരിക്കലിലാണ് അപകടം. നിയന്ത്രണം വിട്ട കാര്‍ സമീപത്തെ ഡ്രൈനേജില്‍ കുടുങ്ങി നിന്നതിനാലാണ് സമീപത്തെ ട്രാന്‍സ്‌ഫോര്‍മറില്‍ ഇടിക്കാതെ രക്ഷപ്പെട്ടത്.
മറിച്ചാണ് സംഭവിച്ചതെങ്കില്‍ പുത്തരിക്കല്‍ പ്രദേശത്ത് വന്‍ അപകടമാണ് ഉണ്ടാവുകയെന്ന് നാട്ടുകാര്‍ പറഞ്ഞു. ചെമ്മാട് ഭാഗത്ത് നിന്ന് പരപ്പനങ്ങാടിയിലേക്ക് വരികയായിരുന്നു കാര്‍. കാറില്‍ ഡ്രൈവര്‍ മാത്രമാണുണ്ടായിരുന്നത്.
ഇയാള്‍ പരുക്കേല്‍ക്കാതെ രക്ഷപ്പെട്ടു. കാറിന് കേടുപാടുകള്‍ സംഭവിച്ചിട്ടുണ്ട്.