എടവണ്ണ: റോഡരികില്‍  അനധികൃതമായി കെട്ടിയുണ്ടാക്കിയിരുന്ന ഷെഡുകള്‍ പൊലിസ് പൊളിച്ചുമാറ്റി. എടവണ്ണ സ്റ്റേഷന്‍  പരിധിയിലെ ഒതായി, ചാത്തല്ലൂര്‍, തിരുവാലി, പത്തിരിയാല്‍, ചെമ്പക്കുത്ത് തുടങ്ങിയ പ്രദേശങ്ങളില്‍  റോഡരികില്‍ നിര്‍മിച്ചിരുന്ന ഷെഡുകളാണ് പൊളിച്ചുനീക്കിയത്.
ഇത്തരം ഷെഡുകളില്‍ പകല്‍ സമയങ്ങളില്‍ പൂവാലശല്യവും രാത്രിയുടെ മറവില്‍ ലഹരി വസ്തുക്കളും പാനീയങ്ങളും ഉപയോഗിക്കുന്നുണ്ടെന്ന പരാതിയെ തുടര്‍ന്നാണ് ജില്ലാ പൊലിസ് മേധാവിയുടെ നിര്‍ദേശ പ്രകാരം നടപടി സ്വീകരിച്ചത്. അഡീഷണല്‍ എസ്.ഐ ബാലചന്ദ്രന്റെ നേതൃത്വത്തിലുള്ള പൊലിസാണ്  ഷെഡുകള്‍ പൊളിച്ചുനീക്കിയത്.