എടക്കര: കുട്ടികള്‍ക്ക്  വിജ്ഞാനവും വിനോദവും പ്രദാനം ചെയ്ത് ജെ.സി.ഐ ഗോള്‍ഡന്‍ വാലിയുടെ നേതൃത്വത്തില്‍  സംഘടിപ്പിച്ച ബട്ടര്‍ഫ്‌ളൈസ് സമ്മര്‍ക്യാംപ് സമാപിച്ചു. മണിമൂളി പാസ്റ്ററല്‍  സെന്ററില്‍ സംഘടിപ്പിച്ച ദ്വിദിന സഹവാസ ക്യാംപ് പ്രശ്‌സത സിനിമാനാടക പ്രവര്‍ത്തകന്‍ ജയിന്‍ സിറിയക് ബാബു  ഉദ്ഘാടനം ചെയ്തു.  ജെ.സി.ഐ  പ്രസിഡണ്ട് നജ്മല്‍ ബാബു അദ്ധ്യക്ഷത വഹിച്ചു. മുന്‍ സോണ്‍  പ്രസിഡണ്ട് രാജേഷ് കുമാര്‍ മുഖ്യസന്ദേശം നല്‍കി.
പോസിറ്റീവ് തിങ്കിഗ്,മോട്ടിവേഷന്‍, ഇമോഷണല്‍ മാനേജ്‌മെന്റ്, ഗോള്‍ സെറ്റിംഗ് തുടങ്ങി വിവിധ  വിഷയങ്ങളില്‍ ക്ലാസുകള്‍ നടന്നു.
സോണ്‍ ജെ.ജെ കോഓര്‍ഡിനേറ്റര്‍ അബ്ദുല്‍ ഗഫൂര്‍, സോണ്‍  ഡയറക്ടര്‍ അഡ്വ. സിദ്ദീഖ് ക്യാംപില്‍ മുഖ്യാതിഥികളായി.ഡി.സി.സി. പ്രസിഡണ്ട്  വി വി പ്രകാശ്, സി.പി.ഐ.(എം) എടക്കര ലോക്കല്‍ സെക്രട്ടറി  ഗിരീഷ് കുമാര്‍ ആശംസ പ്രസംഗം നടത്തി. ക്യാംപില്‍ 60 ഓളം കുട്ടികള്‍ പങ്കെടുത്തു.