വണ്ടൂര്‍: കടുത്ത വരള്‍ച്ചയിലും ചെറുപയര്‍ നൂറുമേനി വിളയിച്ചിരിക്കുകയാണ് വാണിയമ്പലത്തെ യുവ കര്‍ഷകന്‍. മാട്ടക്കുളം തണ്ടുപാറക്കല്‍ അസ്‌കര്‍ മോനാണ് കൃഷിവകുപ്പിന്റെ പയര്‍ വര്‍ഗ മിനി കിറ്റ് 2016-17 പദ്ധതി പ്രകാരം തന്റെ കൃഷിയിടത്തില്‍ ചെറുപയര്‍ വിളയിച്ചത്.
അസ്‌കറിന്റെ മാട്ടക്കുളത്തെ ഒരേക്കര്‍ നെല്‍പ്പാടത്താണ് ഇപ്പോള്‍ ചെറുപയര്‍ വിളഞ്ഞു നില്‍ക്കുന്നത്.രണ്ടാം വിളവെടുപ്പ് കഴിഞ്ഞതോടെ തരിശായി കിടക്കുന്നതിന് പകരം പയര്‍വര്‍ഗ ചെടികള്‍ കൃഷിചെയ്യുന്നത് മണ്ണിന്റെ ഫലഭൂഷ്ഠത വീണ്ടെടുക്കാന്‍ സഹായിക്കും.
 ഇതുവഴി മണ്ണില്‍ നൈട്രജന്റെ അളവ് വര്‍ദ്ധിക്കുന്നതോടെ അടുത്ത കൃഷിക്ക് മണ്ണ് ഏറെ അനുയോജ്യമാകുമെന്ന് കൃഷി ഓഫീസര്‍ എം.സുബൈര്‍ബാബു പറഞ്ഞു. ഫെബ്രുവരിയില്‍ വിത്തിട്ട കൃഷി ഈ മാസം അവസാനത്തോടെ വിളവെടുക്കും.