കയ്പമംഗലം: ജനങ്ങളെ ജീവിക്കാന്‍ അനുവദിക്കുക എന്നതാണ് ഏറ്റവും വലിയ നവോത്ഥാനമെന്ന് കെ.എം ഷാജി എം.എല്‍.എ. മതിലകത്ത് നടന്ന യു.ഡി.എഫ് തെരഞ്ഞെടുപ്പ് പൊതുയോഗത്തില്‍ പ്രസംഗിക്കുകയായിരുന്നു അദ്ദേഹം.
വനിതാ നവോത്ഥാനം പറയുന്ന സി.പി.എം ഭരിക്കുന്ന കേരളത്തില്‍ പുരുഷന്മാര്‍ക്ക് പോലും അവരവരുടെ വീട്ടില്‍ കിടന്നുറങ്ങാന്‍ കഴിയാത്ത അവസ്ഥയാണ് ഉണ്ടായിക്കൊണ്ടിരിക്കുന്നത്. ഉത്തരേന്ത്യയില്‍ ബി.ജെ.പി മതത്തിന്റെ പേരില്‍ ആളുകളെ കൊല്ലുമ്പോള്‍ കേരളത്തില്‍ പാര്‍ട്ടിയുടെ പേരില്‍ ആളുകളെ കൊല്ലുകയാണ് സി.പി.എം.
വായ തുറന്നാല്‍ മാലിന്യം മാത്രം പുറത്തുവരുന്ന സെപ്റ്റിക് ടാങ്കാണ് എ. വിജയരാഘവനെന്നും അദ്ദേഹം പറഞ്ഞു. ഒ.എ. ജെന്‍ട്രിന്‍ അധ്യക്ഷനായി.
സി.എസ് രവീന്ദ്രന്‍,സി.എ റഷീദ്, പി.എം സാദിഖലി, പി.ബി താജുദ്ദീന്‍, സി.സി ബാബുരാജ്, കെ.എം ജോസ്, ഷിബു വര്‍ഗീസ്, കെ.കെ അഫ്‌സല്‍, സജയ് വയനപ്പിള്ളി, ഷംസുദ്ദീന്‍ വാത്യേടത്ത് തുടങ്ങിയവരും സംസാരിച്ചു.