തൃശൂര്‍ : ജില്ലയില്‍ അന്തിമ വോട്ടര്‍പട്ടിക പ്രകാരം 76,811 പുതിയ വോട്ടര്‍മാര്‍. ലോക്‌സഭാ തെരഞ്ഞെടുപ്പിന്റെ ഭാഗമായി 2019 ഏപ്രില്‍ നാല് വരെയുള്ള പുതുക്കിയ പട്ടികയാണിത്.
പുതിയ വോട്ടര്‍മാരില്‍ പുരുഷ വോട്ടര്‍മാര്‍ 38,272, സ്ത്രീ വോട്ടര്‍മാര്‍ 38,534, മൂന്നാംലിംഗക്കാര്‍ 5 എന്നിങ്ങനെയാണുള്ളത്.
2019 ജനുവരി 30ന് വോട്ടര്‍പട്ടിക പ്രസിദ്ധീകരിച്ച ശേഷമാണ് ഇത്രയും പേര്‍ പേര് ചേര്‍ത്തത്.
അന്തിമ പട്ടികപ്രകാരം ജില്ലയിലെ ആകെ വോട്ടര്‍മാര്‍ 24,36393 പേരാണ്. ഇതില്‍ 12,65356 സ്ത്രീ വോട്ടര്‍മാരും 11,71011 പുരുഷ വോട്ടര്‍മാരുമാണുള്ളത്.
മൂന്നാംലിംഗ വിഭാഗത്തില്‍ നിന്ന് 26 പേരും വോട്ടര്‍പട്ടികയിലുണ്ട്.