പെരിന്തല്‍മണ്ണ: പൂപ്പലം നൂരിയ യതീംഖാന ഗോള്‍ഡന്‍ ജൂബിലി ആഘോഷം 13, 14 തിയതികളില്‍ നടക്കും. പരിപാടികളുടെ നടത്തിപ്പിനായി 501 അംഗ സ്വാഗത സംഘം രൂപീകരിച്ചു. മുഹമ്മദലി ശിഹാബ് തങ്ങള്‍ മെമ്മോറിയല്‍ ആര്‍ട്‌സ് ആന്‍ഡ് സയന്‍സ് കോളജ്, എയ്ഡഡ് യു.പി സ്‌കൂള്‍, നിസ വനിതാ കോളേജ്, എന്നീ സ്ഥാപനങ്ങള്‍ യത്തീംഖാനക്ക് കീഴില്‍ തുടങ്ങാനായി. വനിതാ കോളജിനായുള്ള പുതിയ കെട്ടിടത്തിന്റെ ശിലാ സ്ഥാപനം സമ്മേളനത്തോടനുബന്ധിച്ച് നടക്കും.
പൂര്‍വ വിദ്യാര്‍ഥി സംഗമം, സാംസ്‌കാരിക സമ്മേളനം, ആരോഗ്യ സെമിനാര്‍, വനിതാ സംഗമം, പൊതുസമ്മേളം എന്നിവ ആഘോഷ പരിപാടികളുടെ ഭാഗമായി നടക്കും. പാണക്കാട് ഹൈദരലി ശിഹാബ് തങ്ങള്‍, സമസ്ത ജനറല്‍ സെക്രട്ടറി ആലിക്കുട്ടി മുസ്‌ലിയാര്‍, പി.കെ കുഞ്ഞാലികുട്ടി എം.പി, ഇ.ടി മുഹമ്മദ് ബഷീര്‍ എം.പി,  ഡോ.വി.പി ഗംഗാധരന്‍, ആലംങ്കോട് ലീലാകൃഷണന്‍, തുടങ്ങിയവര്‍ വിവിധ പരിപാടികളില്‍ പങ്കെടുക്കും.
13ന് വൈകിട്ട് എഴിന് ബീമാ പള്ളി ഇമാം മൗലവി ഹസന്‍ അഷ്‌റഫി കാമില്‍ ബാഖവി മതപ്രഭാഷണം നടത്തും. പാണക്കാട് സയ്യിദ് മുനവ്വറലി ശിഹാബ് തങ്ങള്‍(ചെയര്‍), പി. അബ്ദുല്‍ഹമീദ് എം.എല്‍.എ(ആക്ടിങ് ചെയര്‍), കെ.ടി മൊയ്തീന്‍ കുട്ടി ഹാജി(ജന. കണ്‍) എന്നിവര്‍ ഭാരവാഹികളായി സംഘാടക സമിതി രൂപീകരിച്ചു. യോഗത്തില്‍ പാണക്കാട് സയ്യിദ് മുനവ്വറലി ശിഹാബ് തങ്ങള്‍ അധ്യക്ഷനായി.
പട്ടാണി മുഹമ്മദ് എന്ന മാനുഹാജി, അഡ്വ. കെ.ടി ഉമ്മര്‍,  എം.ടി മൊയ്തീന്‍കുട്ടി ദാരിമി, എ. ഉമറുല്‍ ഫാറൂഖ്, സി.പി ഹസൈനാര്‍, എ.ടി മുഹമ്മദലി, എ കുഞ്ഞിമുഹമ്മദ്, പി. ഹംസമാസ്റ്റര്‍, തോളൂര്‍ ഹസ്സന്‍ ഹാജി, കാരാടന്‍ അബ്ദുള്ള ഹാജി, കെ.ടി മുഹമ്മദലി ഹാജി. കുഞ്ഞിത്തേനു, ഉസ്മാന്‍ താമരത്ത്, പി.മൊയ്തുപ്പ, കാരാടന്‍ ഹംസ, ടി.കെ അബ്ദുല്‍ ഹമീദ് പങ്കെടുത്തു.