4.25 ലക്ഷവും ഫോണുകളും പിടികൂടി
മംഗളൂരു: ക്രിക്കറ്റ് വാതുവയ്പ് നടത്തുന്നതിനുള്ള ആപ് വില്‍പന നടത്തിയ മൂന്നംഗ സംഘത്തെ പൊലിസ് അറസ്റ്റ് ചെയ്തു. സംഘത്തില്‍ നിന്ന് 4.25 ലക്ഷം രൂപയും അഞ്ച് മൊബൈല്‍ ഫോണുകളും കണ്ടെത്തി. വാതുവയ്പ് നടത്തിപ്പ് സംഘത്തിലെ സുനില്‍ മെല്‍വിന്‍ റിജോ (42), സന്തോഷ് ജോണ്‍(47), അശോക് അഞ്ചന്‍ (46) എന്നിവരാണ് നിയമവിരുദ്ധമായി വാതുവയ്പ് ആപ് വില്‍പന നടത്തിയതിനു പിടിയിലായത്.
മൊബൈല്‍ ആപ് വഴിയാണ് സംഘം വാതുവയ്പ് നടത്തിയിരുന്നത്. മംഗളൂരു മത്താടക്കനിയില്‍വച്ചാണ് സംഘത്തെ പൊലിസ് അറസ്റ്റ് ചെയ്തത്. സംഘത്തിലെ മറ്റുള്ളവര്‍ക്ക് വേണ്ടി പൊലിസ് അന്വേഷണം ഊര്‍ജിതമാക്കിയിട്ടുണ്ട്. ഈയടുത്ത ദിവസങ്ങളിലായി സംഘത്തിലെ ഇരുപതോളം പേരെ പൊലിസ് അറസ്റ്റ് ചെയ്തിരുന്നു.