കൊച്ചി: ആലുവ, അങ്കമാലി, പെരുമ്പാവൂര്‍, മൂവാറ്റുപുഴ ഭാഗങ്ങളിലെ ഇതരസംസ്ഥാന തൊഴിലാളികളുടെ ക്യാംപുകളില്‍ എക്‌സൈസ് പരിശോധന. നാലിടത്തു നിന്നായി 12 പേര്‍ ലഹരി വസ്തുക്കളുമായി പിടിയിലായി. ലഹരി വസ്തുക്കളുടെ വലിയ ശേഖരവും ഇവരുടെ പക്കല്‍ നിന്ന് പിടിച്ചെടുത്തിട്ടുണ്ട്.

എക്‌സൈസ് കമ്മിഷണര്‍ ഋഷിരാജ് സിങിന്റെ നേതൃത്വത്തിലാണ് റെയ്ഡ് നടക്കുന്നത്. 22 സംഘങ്ങളായി തിരിഞ്ഞ് രാവിലെ ആറു മണി മുതലാണ് പരിശോധന ആരംഭിച്ചത്. പൊലിസ് സേനയുടെ സഹകരണത്തോടെയാണ് പരിശോധനയെന്ന് എക്‌സൈസ് സംഘം അറിയിച്ചു.