കണ്ണൂര്‍: കണ്ണൂര്‍ റെയിഞ്ച് എക്‌സൈസ് സംഘം നടത്തിയ പരിശോധനയില്‍ രണ്ടിടങ്ങളില്‍ നിന്നായി 90ഗ്രാം കഞ്ചാവ് സഹിതം രണ്ട് യുവാക്കളെ അറസ്റ്റ് ചെയ്തു. പ്രീവന്റീവ് ഓഫിസര്‍ ശ്രീനിവാസന്റെ നേതൃത്വത്തില്‍ പുതിയതെരു ആശാരി കമ്പിനി എന്ന സ്ഥലത്ത് വച്ചാണ് ചിറക്കലിലെ അമീന്‍ അഹമ്മദിനെ(20) കെ.എല്‍ 13 എച്ച് 3317 ജൂപിറ്റര്‍ സ്‌കൂട്ടറില്‍ കടത്തുന്നതിനിടെ 70ഗ്രാം കഞ്ചാവുമായി പിടികൂടിയത്.
പ്രിവന്റീവ് ഓഫിസര്‍ എന്‍. പത്മരാജന്റെ നേതൃത്വത്തില്‍ നടത്തിയ പരിശോധനയിലാണ് പള്ളിക്കുളത്ത് വെച്ച് 20ഗ്രം കഞ്ചാവ് സഹിതം നാറാത്തെ കെ. ഷിബിനെ (21) അറസ്റ്റ് ചെയ്തത്. സിവില്‍ എക്‌സൈസ് ഓഫിസര്‍മാരായ തോമസ്, ടി.കെ ഉമേഷ്, ഫിറോസ്, അജിത്ത്, വനിതാ സി.ഇ.ഒ രതിക എന്നിവരും പിടികൂടിയ സംഘത്തിലുണ്ടായിരുന്നു.