പയ്യന്നൂര്‍: ആര്‍.എസ്.എസ് പ്രവര്‍ത്തകനും ഓട്ടോറിക്ഷാ ഡ്രൈവറുമായിരുന്ന അന്നൂര്‍ പടിഞ്ഞാറെക്കരയിലെ സി.കെ രാമചന്ദ്രന്‍ അനുസ്മരണം അന്നൂര്‍ വില്ലേജ് ഹാളില്‍ നടന്നു.
ആര്‍.എസ്.എസ് ജില്ലാ സംഘ്ചാലക് കെ.പി നാരായണന്‍, പ്രാന്ത പ്രചാരക് പി. ഗോപാലന്‍കുട്ടി, നേതാക്കളായ കെ. രാമചന്ദ്രന്‍, എം. തമ്പാന്‍, പി. രാജേഷ് കുമാര്‍, ബി.ജെ.പി ജില്ലാ പ്രസിഡന്റ് പി. സത്യപ്രകാശ്, കെ. രഞ്ജിത്, കെ.ബി പ്രജില്‍, ഒ.രാഗേഷ് സംസാരിച്ചു. സി.കെ രാമചന്ദ്രന്റെ ഛായാചിത്രത്തിന് മുന്നില്‍ നേതാക്കളും പ്രവര്‍ത്തകരും പുഷ്പാര്‍ച്ചന നടത്തി. അനുസ്മരണ സമ്മേളനം നടക്കുന്ന വില്ലേജ് ഹാളിന് സമീപം പയ്യന്നൂര്‍ എസ്.ഐ കെ.പി ഷൈനിന്റെ നേതൃത്വത്തില്‍ വന്‍ പൊലിസ് സുരക്ഷ ഒരുക്കിയിരുന്നു.