കൊല്ലം: ഉത്രയെ പാമ്പിനെകൊണ്ടു കടിപ്പിച്ചാണ് കൊലപ്പെടുത്തിയതെന്ന് ഭര്‍ത്താവ് സൂരജിന്റെ കുറ്റസമ്മതത്തിനു പിന്നാലെ ഉത്രയുടെ ശരീരത്തില്‍ മൂര്‍ഖന്‍ പാമ്പിന്റെ വിഷം കണ്ടെത്തി. ആന്തരികാവയവങ്ങളുടെ രാസപരിശോധനയിലാണ് കടിച്ചത് മൂര്‍ഖന്‍ തന്നെയാണെന്ന് വ്യക്തമായത്. പാമ്പിനെക്കൊണ്ട് കടിപ്പിച്ച് ഉത്രയെ കൊന്നുവെന്ന സൂരജിന്റെ മൊഴി ശരിവെക്കുന്നതാണ് രാസപരിശോധനാ ഫലവും. രാസപരിശോധനാ ഫലം അന്വേഷണ സംഘത്തിന് ലഭിച്ചു.

അടൂരിലെ വീട്ടിലെത്തിച്ച് തെളിവെടുപ്പ് നടത്തുന്നതിനിടെയാണ് ഉത്ര വധക്കേസില്‍ പരസ്യമായി സൂരജ് കുറ്റമേറ്റത്. രണ്ട് തവണയാണ് ഉത്രയെ കൊല്ലാന്‍ സൂരജ് പാമ്പിനെ വാങ്ങിയത്. മാര്‍ച്ച് രണ്ടിനും മാര്‍ച്ച് 26-നുമാണ് ഉത്രയെ പാമ്പിനെ കൊണ്ട് കടിപ്പിച്ച് കൊല്ലാന്‍ സൂരജ് ശ്രമിച്ചത്. രണ്ടാമത്തെ ശ്രമത്തില്‍ ഉത്ര കൊല്ലപ്പെടുകയായിരുന്നു.