പ്യോങ്‌യാങ്: ഉത്തര കൊറിയയില്‍ പെട്രോള്‍ വിലയില്‍ 83 ശതമാനം വര്‍ധന. രാജ്യം നേരിടുന്ന സാമ്പത്തിക പ്രതിസന്ധിയെ തുടര്‍ന്നാണിത്. വിദേശ നാണ്യത്തിന്റെ കുറവും ഉത്തര കൊറിയയെ അലട്ടുന്നുണ്ട്. വിദേശികളായ മാധ്യമപ്രവര്‍ത്തകര്‍ അവരുടെ നാട്ടിലെ പണം വാടകയായി നല്‍കണമെന്നും സര്‍ക്കാര്‍ നിര്‍ദേശം നല്‍കി. ഒരാഴ്ചയ്ക്കിടെയാണ് ഉത്തര കൊറിയയില്‍ പെട്രോള്‍ വില കുത്തനെ കൂടിയത്. ചില പെട്രോള്‍ ബങ്കുകള്‍ വിദേശ സംഘടനകള്‍ക്കും നയതന്ത്രജ്ഞര്‍ക്കും മാത്രമായി പരിമിതപ്പെടുത്തിയിട്ടുണ്ട്. വില കൂടിയിട്ടും പമ്പുകളില്‍ നീണ്ട ക്യൂ ആണ്.