ദാകര്‍: സെനഗലിലെ മധ്യ തീരത്തെ വിനോദസഞ്ചാര കേന്ദ്രത്തില്‍ ബോട്ട് തകര്‍ന്ന് 20 പേര്‍ മരിച്ചു. ഇവരില്‍ ഏറെയും സ്ത്രീകളാണ്. മരംകൊണ്ടുള്ള ബോട്ടാണ് തകര്‍ന്നത്. തിങ്കളാഴ്ച രാത്രിയാണ് അപകടം. പരമ്പരാഗത രീതിയില്‍ നിര്‍മിച്ച ബോട്ടാണ് വടക്കന്‍ ഗാംബിയക്ക് സമീപത്തെ ദ്വീപിനു സമീപം തകര്‍ന്നത്. ബോട്ടില്‍ 72 യാത്രക്കാരുണ്ടായിരുന്നു. 20 മൃതദേഹങ്ങള്‍ കണ്ടെടുത്തു. 51 പേരെ രക്ഷപ്പെടുത്തിയെന്ന് രക്ഷാ സേനാ മേധാവി അറിയിച്ചു. ബോട്ടില്‍ രണ്ടു പുരുഷന്മാര്‍ മാത്രമാണുണ്ടായിരുന്നത്.