ഭോപ്പാല്‍: മധ്യപ്രദേശില്‍ സന്തോഷത്തിന് വകുപ്പുംമന്ത്രിയും. സാധാരണ ജനങ്ങളുടെ ജീവിത സന്തുഷ്ടിക്കായാണ് പുതിയ വകുപ്പെന്ന് മുഖ്യമന്ത്രി ശിവരാജ് സിങ് ചൗഹാന്‍ പറഞ്ഞു. സന്തോഷത്തിനായി വകുപ്പ് രൂപീകരിക്കുന്ന ആദ്യ സംസ്ഥാനമാണ് മധ്യപ്രദേശ്. ചൗഹാനു തന്നെയാണ് വകുപ്പിന്റെ ചുമതല. വകുപ്പിന് പ്രത്യേകം മന്ത്രിമാരുണ്ടാകില്ല. അയല്‍രാജ്യമായ ഭൂട്ടാനില്‍നിന്നാണ് ഈ ആശയം സ്വീകരിച്ചത്.

ചെയര്‍മാന്‍ അധ്യക്ഷനായ കമ്മിറ്റിക്ക് ഒരു ചീഫ് എക്‌സിക്യൂട്ടീവ് ഡയറക്ടറുമുണ്ടാകും. പ്രതിവര്‍ഷം 3.80 കോടി രൂപ സര്‍ക്കാര്‍ ചെലവഴിക്കും. ചെയര്‍മാന് മാസം 1.50 ലക്ഷം രൂപയും ചീഫ് എക്‌സിക്യൂട്ടീവ് ഡയറക്ടര്‍ക്ക് 1.25 ലക്ഷം രൂപയുമുണ്ടെന്നതാണ് സന്തോഷകരമായ മറ്റൊരു വാര്‍ത്ത.