മുംബൈ: ഐ.പി.എല്‍ പോരാട്ടത്തിനിടെ അംപയറോട് തര്‍ക്കിച്ച മുംബൈ ഇന്ത്യന്‍സ് നായകന്‍ രോഹിത് ശര്‍മയ്ക്ക് പിഴ ശിക്ഷ. മത്സരത്തിന്റെ 50 ശതമാനമാണ് താരത്തിന് പിഴ ചുമത്തിയത്.
റൈസിങ് പൂനെ സൂപ്പര്‍ജൈന്റിനെതിരായ മത്സരത്തിനിടെയാണ് സംഭവം. അവസാന ഓവര്‍ എറിഞ്ഞ പൂനെ താരം ജയദേവ് ഉനദ്കടിന്റെ മൂന്നാം പന്ത് വൈഡ് വിളിക്കാത്ത അംപയറുടെ നടപടി ചോദ്യം ചെയ്തതാണ് രോഹിതിന് വിനയായത്. വിഷയവുമായി ബന്ധപ്പെട്ട് രോഹിത് അംപയര്‍ എസ് രവിയുമായി ദീര്‍ഘ നേരം വാഗ്വാദത്തിലേര്‍പ്പെട്ടു. മുംബൈ നായകന്റെ നടപടി ലെവല്‍ ഒന്നില്‍ ഉള്‍പ്പെടുത്തിയാണ് മാച് റഫറി ജവഗല്‍ ശ്രീനാഥ് പിഴ ശിക്ഷ വിധിച്ചത്.
തൊട്ടടുത്ത പന്തില്‍ രോഹിത് പുറത്തായതോടെ മുംബൈ മൂന്ന് റണ്‍സിന് മത്സരം അടിയറവ് വച്ചിരുന്നു.