ആലുവ: ജനത്തിരക്കേറിയ ആലുവ റെയില്‍വേ സ്റ്റേഷന്‍ റോഡിലെ ഫുട്പാത്തില്‍ അലക്ഷ്യമായി കിടക്കുന്ന കേബിളുകള്‍ കാല്‍നട യാത്രക്കാര്‍ക്ക് ഭീഷണിയാകുന്നു. പമ്പ് കവലയ്ക്ക് സമീപം സി.എസ്.ഐ ഡയമണ്ട് ഷോപ്പിങ്് കോംപ്ലക്‌സിന് മുന്‍പിലാണു മാസങ്ങളായി സ്വകാര്യ കമ്പനിയുടെ പോസ്റ്റ് ഒടിഞ്ഞു കേബിളുകള്‍ അലക്ഷ്യമായി കിടക്കുന്നത്. 

നഗരത്തിലെ ഏറ്റവും കൂടുതല്‍ ആളുകള്‍ സഞ്ചരിക്കുന്ന കാല്‍നട പാതയിലാണ് അപകടം വരുത്തി വെക്കുന്ന വിധത്തില്‍ കേബിള്‍ കൂട്ടങ്ങള്‍ കിടക്കുന്നത്. കൂടാതെ നിരവധികളും വിദ്യാര്‍ഥികളും ഈ നടപ്പാതയിലൂടെ സഞ്ചരിക്കുന്നുണ്ട്. അപകടത്തിലാക്കും വിധം കിടക്കുന്ന കേബിളുകള്‍ മാസങ്ങളായിട്ടും ബന്ധപ്പെട്ടവര്‍ കണ്ടില്ലെന്ന് നടിക്കുകയാണ്. പോസ്റ്റ് മാറ്റി സ്ഥാപിച്ച് കേബിളുകള്‍ കാല്‍നടപ്പാതയില്‍ നിന്നും നീക്കം ചെയ്യണമെന്ന് ആവശ്യം ശക്തമാകുകയാണ്.