ലാഹോര്‍: പാകിസ്താനി സോഷ്യല്‍മീഡിയ സെലിബ്രിറ്റിയും മോഡലുമായ ഖന്‍ദീല്‍ ബലോച്ചിയെ സഹോദരന്‍ ശ്വാസംമുട്ടിച്ച് കൊന്നു. ഖന്‍ദീലിന്റെ വഴിവിട്ട ജീവിതം ഇഷ്ടപ്പെടാത്ത സഹോദന്‍ വസീം ഇവരെ കൊല്ലുകയായിരുന്നുവെന്ന് പഞ്ചാബ് പൊലിസ് അറിയിച്ചു.

മോഡലിങ്ങില്‍ നിന്നു പിന്‍മാറണമെന്നു നേരത്തെ സഹോദരന്‍ താക്കീതുചെയ്തിരുന്നു. വെള്ളിയാഴ്ച രാത്രി വസീമുമായുണ്ടായ തര്‍ക്കത്തിനൊടുവില്‍ ഖന്‍ദീലിനെ ശ്വാസംമുട്ടിച്ചു കൊലപ്പെടുത്തുകയായിരുന്നുവെന്നു മാതാപിതാക്കള്‍ പൊലിസിനോട് പറഞ്ഞു. ഇന്നലെ രാവിലെയാണ് കൊല്ലപ്പെട്ട നിലയില്‍ ഇവരെ കണ്ടെത്തിയത്. സഹോദരന്റെ ഭീഷണി കാരണം കറാച്ചിയില്‍നിന്നു പഞ്ചാബിലേക്കു വന്നതായിരുന്നു ഖന്‍ദീല്‍. വസീമിനെ ഇതുവരെ പിടികൂടാനായിട്ടില്ലെന്നും കൊന്നതിനുശേഷം ഇയാള്‍ ഒളിവില്‍ പോയെന്നും പൊലിസ് അറിയിച്ചു.

ഇന്ത്യന്‍ പ്രധാനമന്ത്രി നരേന്ദ്രമോദിയെ ഫേസ്ബുക്കിലൂടെ ഭീഷണിപ്പെടുത്തിയും ഇവര്‍ വിവാദമുണ്ടാക്കിയിരുന്നു. ഇന്ത്യയില്‍ നടന്ന ടി-20 ലോകകപ്പിനിടെ ഇന്ത്യയെ പാക് ക്രിക്കറ്റ് ടീം തറപറ്റിച്ചാല്‍ പാകിസ്താന്‍ ടീമിനും രാജ്യത്തിനും വേണ്ടി നഗ്‌നൃത്തം ചെയ്യുമെന്ന ഇവരുടെ പോസ്റ്റ് വിവാദമായിരുന്നു.