നാദാപുരം: രണ്ടുദിവസമായി തുടരുന്ന മഴയില്‍ കനത്തനാശം. നാദാപുരത്ത് കിണര്‍ താഴ്ന്നു. പുളിയാവിലെ കൈതോറയില്‍ അമ്മദിന്റെ വീട്ടുമുറ്റത്തെ കിണറും ഇതിനോട് ചേര്‍ന്ന ശുചിമുറിയുമാണ് താഴ്ന്നത്.
50,000 രൂപയുടെ നഷ്ടം കണക്കാക്കുന്നു. നാദാപുരം ജുമാമസ്ജിദിന് പിറകിലെ ചെപ്പോടത്തു അമ്മദിന്റെ പറമ്പിലെ ചുറ്റുമതില്‍ നിലം പതിച്ചു.കക്കംവെള്ളിത്തോട് കരകവിഞ്ഞതിനാല്‍ മുണ്ടാടത്തില്‍ താഴെ ഭാഗത്ത് വെള്ളം കയറി. ചെറുമോത്ത് കൊമ്പിമുക്ക് സ്‌കൂള്‍ റോഡില്‍ സ്വകാര്യ വ്യക്തിയുടെ പറമ്പിലെ വന്‍വൃക്ഷങ്ങള്‍ ഏതുനിമിഷവും നിലംപതിക്കുമെന്ന നിലയിലാണ്.