കാക്കനാട്: ഹജ്ജ് ഒരു വിശ്വാസിയുടെ ജീവിത സമര്‍പ്പണമാണെന്ന് സമസ്ത കേരള ജംഇയ്യത്തുല്‍ ഉലമ ജില്ല സെക്രട്ടറി എം.എം. അബുബക്കര്‍ ഫൈസി പറഞ്ഞു. എസ്.വൈ.എസ് ചിറ്റേത്തുകര മേഖല ഹാജി സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അര്‍പ്പണ ബോധത്തോടെയല്ലാതെ ഒരാള്‍ക്ക് ഹജ്ജ് കര്‍മം പൂര്‍ത്തിയാക്കാനാവില്ല.
ഗതകാല ചരിത്രത്തില്‍ നിന്ന് പാഠമുള്‍ക്കൊള്ളാനും പാരമ്പര്യത്തില്‍ ഊന്നി ജീവിതം മുന്നോട്ടു കൊണ്ടുപോകാനും ഹജ്ജ് നമ്മെ ഓര്‍മപ്പെടുത്തുന്നുണ്ടെന്നും അദ്ദേഹം കൂട്ടിച്ചേര്‍ത്തു. സി.കെ കുട്ടി അധ്യക്ഷത വഹിച്ച ചടങ്ങില്‍ അബുബക്കര്‍ ഹുദവി മുണ്ടംപറമ്പ് മുഖ്യ പ്രഭാഷണം നടത്തി.
കെ.എം അബ്ദുള്‍ സലാം, അബ്ദുള്ള ഫൈസി, കെ.എം ശംസുഹാജി, ഹസൈനാര്‍ മൗലവി, പി.എച്ച് മുഹമ്മദ് കുഞ്ഞ്, സി.എ അലിയാര്‍, അബ്ദുള്‍ റഹ്മാന്‍, സി.കെ മുഹമ്മദ്, ടി.കെ ജമാല്‍, ടി.കെ ഷംസു തുടങ്ങിയവര്‍ സംസാരിച്ചു.