ആലപ്പുഴ: ഒന്നേകാല്‍ കിലോ കഞ്ചാവുമായി രണ്ട് പേര്‍ പിടിയില്‍. അമ്പലപ്പുഴ താലൂക്കില്‍ പടിഞ്ഞാറേ വില്ലേജില്‍ ഇരവുകാട് മുറിയില്‍ മുല്ലാത്തുവളപ്പ് വീട്ടില്‍ മുഹമ്മദ് സഹാജ്(22), തിരുവമ്പാടി തൈവേലിക്കകം വീട്ടില്‍ അഷ്‌കര്‍(22) എന്നിവരെയാണ് എക്‌സൈസ് സ്‌പെഷ്യല്‍ സ്‌ക്വാഡ് പുന്നപ്ര, ഇരവുകാട് പ്രദേശങ്ങളില്‍നിന്ന് കസ്റ്റഡിയിലെടുത്തത്. ഇരുചക്ര വാഹനങ്ങളില്‍ കടത്തിക്കൊണ്ടുവന്ന 1.250 കിലോഗ്രാം കഞ്ചാവാണ് പിടിച്ചെടുത്തത്.
ഇത് കടത്താന്‍ ഉപയോഗിച്ച ബൈക്കും പിടിച്ചെടുത്തു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. സജാസ് നേരത്തെ ബൈക്ക് മോഷണകേസിലും അഷ്‌കര്‍ അടിപിടി കേസിലും പ്രതികകളാണ്. കോയമ്പത്തൂരില്‍ ബ്യൂട്ടീഷനായ സജാസ് കമ്പം, ടിണ്ടികല്‍ എന്നിവിടങ്ങളില്‍നിന്ന് വന്‍തോതില്‍ കഞ്ചാവ് എത്തിച്ച് ആലപ്പുഴയിലും പുന്നപ്രയിലും വില്‍പ്പന നടത്തിവന്നതായി വിവരം ലഭിച്ചിരുന്നു. സര്‍ക്കിള്‍ ഇന്‍സ്‌പെക്ടര്‍ വി റോബര്‍ട്ടിന്റെ നേതൃത്വത്തിലുള്ള സംഘമാണ് ഇവരെ പിടികൂടിയത്.