വിദ്യാനഗര്‍ (കാസര്‍കോട്): മാന്യ ഷംസുല്‍നഗറിലെ പഞ്ചായത്ത് കുളത്തില്‍ കൂട്ടുകാരോടൊപ്പം കുളിക്കാനിറങ്ങിയ വിദ്യാര്‍ഥി മുങ്ങിമരിച്ചു. മീപ്പുഗുരിയിലെ റസാഖ്-സക്കീന ദമ്പതികളുടെ മകന്‍ ശിബിലി(18)യാണ് മരിച്ചത്.

മൂന്നു കൂട്ടുകാരോടൊപ്പം പഞ്ചായത്ത് കുളത്തില്‍ കുളിക്കാനിറങ്ങിയതായിരുന്നു. ശിബിലി മുങ്ങിത്താഴുന്നതു കണ്ട് കൂടെയുണ്ടായിരുന്ന കുട്ടികള്‍ നിലവിളിച്ചു. ഓടിയെത്തിയ നാട്ടുകാര്‍ ശിബിലിയെ കുളത്തില്‍ നിന്നു പുറത്തെടുത്ത് ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

വിവരമറിഞ്ഞ് പൊലിസും സ്ഥലത്തെത്തിയിരുന്നു. കുമ്പള അക്കാദമിക് കോളജിലെ പ്ലസ്‌വണ്‍ വിദ്യാര്‍ഥിയാണ്. സഹോദരങ്ങള്‍: ഇസ്ഹാഖ്, അനസ്, റയിസ്, ആദില്‍, ഫാത്തിമ.