ന്യൂഡല്‍ഹി:തെക്കന്‍ ഗുജറാത്തിലും മണിപ്പൂരിലും നേരിയ ഭൂചലനം അനുഭവപ്പെട്ടു.  മണിപ്പൂരിലെ ചണ്ഡലിലാണ് ആദ്യം ഭൂചലനമുണ്ടായത്. 8 മണിയൊടെയാണ് ആദ്യ ചലനം അനുഭവപ്പെട്ടത്. റിക്ടര്‍സ്‌കെയിലില്‍  3.2 തീവ്രത രേഖപ്പെടുത്തിയ ചലനം പത്തുകിലോമീറ്ററോളം അനുഭവപ്പെട്ടു.

തെക്കന്‍ ഗുജറാത്തില്‍ രാവിലെ 9.30ന് ആണ് ഭൂചലനം അനുഭവപ്പെട്ടത്. സൂറത്തിന് 14 കിലോമീറ്റര്‍ അകലെയാണ് 4.7 തീവ്രത രേഖപ്പെടുത്തിയ ഭൂചലനത്തിന്റെ പ്രഭവ കേന്ദ്രം.